Song by Charu and Vinod that captures the spirit of the RTI Struggle Click here to listen to the audio

Lyrics

Mere sapno ko janenka huk re
kyon sadiyon se toot rahe hai
inke sajane ka naam nahi

Mere hathoon ko yeh janenka huk re
kyon barson se khali pade hai
inhe aaj bhi kaam nahi

Mere pairon ko yeh janenka huk re
kyon gaon gaon chalna pade hai
kyon bus ka nishaan nahi

Meri bhook ko yeh janenka huk re
kyon godownon mein sadte hai daane
mujhe muthi bhar dhaan nahi

meri bhudi maa ko janeka huk re
kyon gooli nahi sui nahi dawakhane
patti tanke ka samaan nahi

mere bachoon ko janeka huk re
kyon raat din kare majdoori
kyon shaala mere gaon nahi

mere khaiton ko janeka huk re
kyon baand bane re bade bade
kyon fasloon mein jaan nahi

meri nadiyoon ko janeka huk re
kyon zeher milaye karkhane
jaise nadiyoon mein jaan nahi

mere junglaon ko janeka huk re
kahan daliyaan woh patte tane mitti
kyon jharno ka naam nahi

mere gaon ko janeka huk re
kyon bijli na sadakein na pani
khuli ration ki dookan nahi

mere bastiyon ko janeka huk re
kyon base hue ghar ko ujaade
rahe naam o nishaan nahi

mere voteon ko janeka huk re
kyon ek din bade bade vaade
phir paanch saal kaam nahi

mere ram ko janeka huk re
mere rehman ko janeka huk re
kyon khoon bahe re sadkon pe
kya sab isaan nahi

mere zindagi ko jeene ka huk re
ab huk beena kya jeena
yeh jeene ke samaan nahi